Shynjańda A tıpindegi aýsyl aýrýynyń oshaǵy tirkelip, 169 bas iri qara pyshaqqa ilindi
BEIJІŃ. Aqpannyń 3-i. QazAqparat /Rýslan Súleımenov/ - Qytaıdyń Shynjań-Uıǵyr avtonomııalyq ólkesiniń Baıchen ýezinde A tıpindegi aýsyl aýrýynyń oshaǵy tirkelip otyr.
Bul týraly seısenbi kúni Qytaıdyń Aýyl sharýashylyǵy mınıstrliginiń baspasóz keńsesinen habarlady.
Jergilikti buqaralyq aqparat quraldarynyń habarlaýynsha, Aqsý okrýginiń quramyna kiretin Baıchen ýezindegi fermalardyń birinde qańtardyń 18-inde sıyrlar arasynda aýsyl aýrýyn juqtyrý oqıǵalary anyqtalǵan. Іndetterdi baqylaý jáne aldyn alý jónindegi jergilikti ortalyq qańtardyń 22-sinde atalmysh dıagnozdy rastady. Qýattaý úshin synama úlgileri Aýsyldy zertteý jónindegi memlekettik zerthanaǵa jetkizildi.
Múddeli vedomstvolar bolsa, indetti aýyzdyqtaý úshin jedel sharalar qabyldap, 169 bas iri qarany soıdy.
Búgingi tańda ınfektsııanyń jańa oqıǵalary tirkelgen joq.
