Shyńjańda 12 terrorıst ólim jazasyna kesildi
BEIJІŃ. QazAqparat - Qytaıdyń soltústik-batysyndaǵy Shyńjań-Uıǵyr avtonomııalyq ólkesiniń 6 qalasy men okrýgteriniń birinshi ınstantsııadaǵy sottary beısenbi kúni lańkestikke qatysy bar dep 81 adamdy aıyptady, dep habarlady «Sınhýa» agenttigi.
«81 adam terrorlyq uıymdardy uıymdastyryp, basqardy, qastandyqpen kisi óltirdi degen 81 adamǵa qatysty jaza taǵaıyndaldy», - delingen ShUAÓ halyqtyq sotynyń taratqan habarlamasynda.
Aıyptalýshylardyń toǵyzy ólim jazasyna kesildi, taǵy úsh adam merzimi uzartylyp, eki jyldan keıin ólim jazasyna kesiletin boldy.
Osyǵan deıin polıtsııanyń Shyńjań-Uıǵyr avtonomııalyq ólkesinde mamyrdyń 22-inde lańkestik qyzmet pen dinı ekstremızmge qatysy bar degen 200-den astam kúdiktini ustaǵan bolatyn. Bul toptar Hotan, Qashǵar men Aqsýda anyqtalǵan. Júrgizilgen arnaıy sharalar barysynda polıtsııa qyzmetkerleri 1,8 tonnaǵa jýyq jarylǵysh zatty tárkiledi.
Jergilikti bıliktiń habarlaýynsha, Shyńjańdaǵy terrorlyq toptardyń sany 2010 jyldan bastap biraz kóbeıgen. Byltyr olardyń sany 200-ge jetken. QHR bıligi mamyr aıynda terrorızmge qarsy kúreske shaqyryp, antıterrorlyq sharany bir jyl júrgizetin boldy.
