Shyńjań-Uıǵyr avtonomııalyq ólkesine barǵan ár týrıstke 80 dollardan syıaqy tólenbek
BEIJІŃ. QazAqparat - Shyńjań-Uıǵyr avtonomııalyq ólkesi barǵan ár týrıstke jergilikti bılik 500 ıýan (80 dollar) kóleminde syıaqy berýge ýáde etip otyr.
Ázirge bul istiń qalaı júzege asyrylatyny habarlanbady. Sondaı-aq syıaqy sheteldik týrısterge beriletini ne berilmeıtini de naqtylanbady.
Shyńjańda terrorıstik oqıǵalardyń qaıtalanýy munda keletin týrıster sanyn azaıtty. ıAǵnı, bul kórsetkish ótken jylǵy osy kezeńmen salystyrǵanda 40% qurady. 2013 jyldyń sońyndaǵy derekterge qaraǵanda, Shyńjańnyń jergilikti turǵyndarynyń 1,5 mln. astamy týrıstik jáne aralas salalarda jumys isteıdi.
Shyńjań-Uıǵyr avtonomııalyq ólkesindegi týrızm basqarmasynyń bastyǵy Inam Nesredınniń sózine qaraǵanda, bul óńirge týrıster kóptep keletin. Alaıda eldiń ońtústik-batysyndaǵy ıÝnnan provıntsııasynyń ońtústik-batysyndaǵy Kýnmıne qalasyndaǵy shabýyldardan keıin týrısterdiń kóbi Shyńjań-Uıǵyr avtonomııalyq ólkesine kelýden bas tartqan.
Eske sala keteıik, sáýir aıynyń sońynda Úrimji saparjaıynda bolǵan jarylystan 3 adam qaza taýyp, 79 adam jaraqattanǵan edi. Al mamyrda Shyńjań-Uıǵyr avtonomııalyq ólkesindegi bazarlardyń birinde bolǵan jarylystan 39 qaza taýyp, 94-i jaraqat aldy.
