Shyńjań-Uıǵyr avtonomııalyq ólkesindegi jer silkinisinen myń jarym adam zardap shekti
BEIJІŃ. QazAqparat - QHR Shyńjań-Uıǵyr avtonomııalyq (ShUAA) ólkesiniń Qyzylsý-Qyrǵyz avtonomııalyq oblysynda jer silkinisi saldarynan 1,5 myń adam zardap shekti, dep habarlady qytaılyq BAQ.
Qytaı seısmologııalyq stansasy ortalyǵynyń derekterine súıensek, magnıtýdasy 5 ball bolatyn jer silkinisi Astana ýaqyty boıynsha saǵat 12:50-de bolǵan.
Apat ortalyǵy Atýsh qalasyna jaqyn jerdegi Qarajol eldi mekeninde 51 úı qırap, 1 508 jergilikti turǵyn zardap shekti. Olar ýaqytsha týysqandarynyń úıine, memlekettik mekemeler men klınıkalarǵa ornalastyryldy. Qarajolda barlyǵy 17 499 adam bar. Eske salsaq, bul jer silkinisin 2015 jylǵy 10 qańtarda saǵat 12.50 mınýt 43 sekýndta «QR BǴM UK STÁE» MM-niń seısmıkalyq stansalarynyń jelisi tirkedi.
