Shyńjań Uıǵyr avtonomııalyq ólkesinde Úrimjidegi teraktqa qatysy bar degen kúdikpen 29 adam ustaldy
BEIJІŃ. QazAqparat - Úrimjidegi teraktqa qatysy bar degen kúdikpen 29 adam ustaldy. Olarǵa separatızm, kemsitýshilikke jol berip, etnosaralyq qaqtyǵysty týdyrdy degen aıyp taǵyldy.
Eske sala keteıik, 22 mamyrda Úrimji qalasyndaǵy bazarlardyń birinde bolǵan terakt saldarynan 39 adam qaza taýyp, 94 azamat jaraqat aldy. Osyǵan deıin, 30 sáýirde Shyńjań Uıǵyr avtonomııalyq ólkesinde temirjol vokzalynda jarylys pen pyshaq salý saldarynan 3 adam kóz jumdy, 79 adam jaraqat aldy.
Shyńjańdaǵy birqatar lańkestik oqıǵalarynan keıin Qytaı bılik ókilderi 23 mamyrda Shyńjań Uıǵyr avtonomııalyq ólkesinde terrorıstik operatsııaǵa qarsy rejim engizgen. Ol bir jylǵa deıin sozylady.
Ótken jyldyń qazan aıynda Beıjińdegi Tıananmen alańynda 3 lańkestiń týrıster shoǵyrlanǵan jerge kólikpen basyp kirip, jaryp jibergennen keıin Shyńjańdaǵy terakttar jıilep ketken edi. Onyń saldyrynan 3 terrorıst pen 2 týrıst kóz jumǵan edi.
Sondaı-aq, 2014 jyly naýryzda Qytaıdyń ońtústik-batysyndaǵy ıÝnnan provıntsııasynyń Kýnmın qalasynyń saparjaıynda bolǵan oqıǵany atap ketýge bolady. Ol kezdegi pyshaqpen jasalǵan shabýyldan 29 jergilikti turǵyn ajal qushyp, 140-tan astamy jaraqattandy.
