Shyńjań-Uıǵyr avtonomııalyq ólkesinde lańkestik qaýpi týyndaǵan jaǵdaıda ne isteý qajettigi týraly usynystar jazylǵan broshıýra shyqty
BEIJІŃ. QazAqparat - QHR Shyńjań-Uıǵyr avtonomııalyq ólkesinde (ShUAÓ) terrorlyq akti týyndaǵan jaǵdaıda ne isteý qajettigi týraly halyqqa arnalǵan usynystar jazylǵan broshıýra jaryq kórdi, dep habarlady qytaılyq BAQ.
Muny shyńjańdyq qoǵamdyq qaýipsizdik departamenti ázirledi.
«Terrorlyq shabýylǵa, onyń oryn alý qaýpine qalaı den qoıý qajettigin biletinder ózin qorǵap qana qoımaı, basqa adamnyń da ómirin saqtap qala alady», - dep jazǵan broshıýra avtorlarynyń biri Chjan ıÝıbo.
Qytaılyq bıliktiń resmı derekterine súıensek, 2013 jyly avtonomııalyq ólkede 200-den astam lańkestik aktsııalar oryn alǵan, al 2010 jyly onyń sany 140-ty quraǵan.
Eske salatyn bolsaq, osy jylǵy 21 qyrkúıekte ShUAÓ Lýntaı ýeziniń birqatar shaǵyn eldi mekenderinde birneshe jarylys bolyp, saldarynan 50 adam, sondaı-aq 40 jankeshti lańkes kóz jumsa, 54 adam jaraqat alǵan.
