Shyńjań-Uıǵyr avtonomııalyq ólkesinde qazaq mektebindegi konkýrsta bir orynǵa 4-5 adamnan keledi
Úrimji qalasyndaǵy №66 orta mektep 2004 jyldan beri jumys isteıdi. Mektep QHR-diń bilim berý deńgeıin kóterý boıynsha memlekettik baǵdarlamasy aıasynda qurylǵan.
№66 orta mektep dırektory Lı Tszıabaonyń aıtýynsha, bilim shańyraǵynda balalar Shyńjańnan shalǵaıdaǵy aýyldardan kelip oqıdy. Bilim berý merzimi 3 jyldy quraıdy. Osy ýaqyt ishinde oqýshylar ana tilin, qytaı jáne aǵylshyn tilderin oqıdy. Oqý baǵdarlamasy QHR aýmaǵyndaǵy kez kelgen mektepte bilim alýdy jalǵastyrýǵa múmkindik beretin bilim deńgeıine jetýge baǵyttalǵan.
Jyl saıyn mektepke 800 jańa oqýshy qabyldanady. Qazirgi tańda balalardyń basym bóliginiń ulty - uıǵyr. Qazaqtardyń úlesi 10 %-dy quraıdy. Alaıda, olardyń sany jyl sanap artyp keledi.
Bilim alýshylardyń 90%-y bilim baǵdarlamasynyń tolyq kýrsyn aıaqtap, bilim berý mekemelerine túsip jatyr. Qazaq oqýshylardyń oqý úlgerimi joǵary jáne muǵalimder tarapynan jaqsy pikirge ıe bolýda.
Bolashaqta osyndaı mektepter ashý josparlanyp jatyr.
