«Shynjań qazaq mádenıet ǵylymı qoǵamynyń» arnaýly toptary quryldy
ASTANA. Mamyrdyń 14-i. QazAqparat /Rızabek Núsipbekuly/ - Jaqynda «Shynjań qazaq mádenıet ǵylymı qoǵamynyń» 2 kezekti bas qosý májilisi ótti. Onda atalǵan qoǵamnyń arnaýly kásiptik toptary qurylyp, basshylary saılandy,
dep habarlaıdy QazAqparat Qytaıdyń «Táńirtaý» saıtyna silteme jasap.
Májiliske «Shynjań qazaq madenıet ǵylymı qoǵamynyń» tóraǵalary Aryp Zurǵanbekuly, Qabden Qadyruly qatarly el aǵalary qatysty.
Májilis talqysynan keıin qazaq ultynyń salt-sana, kórkemóner, qolóner, azyq-túlik, dene tárbıesi jáne shıpagerlik, aýdarma, kıim-keshek, úgit qyzymeti sııaqty kásipterdi damytatyn arnaýly toptary budan keıin «Shynjań qazaq mádenıet ǵylymı qoǵamynyń» qyzmetine tolyq sáıkesip, kásip túrleri boıynsha jaýapkershilikpen jumys júrgizip, qazaqtyń mádenı muralaryn ashý, zertteý, damytý jaqtarynda qulshynys jasap, ultymyzdyń mádenıetin ózge ulttarǵa tanytýǵa, memlekettik, halyqaralyq deńgeıde nasıhattaýǵa atsalysady.
