Shynydan jasalǵan, 180 metr bıiktiktegi kópirden ótpek bolǵan týrısterdiń záre-quty qalǵan joq (FOTO, VIDEO)
ASTANA. QazAqparat - Qytaıda 180 metr bıiktikte ornalasqan shynydan jasalǵan kópirden ótýge bel býǵan alǵashqy týrısterdiń záre-quty qalǵan joq.
Bulaı bolýǵa negiz de joq emes. Óıtkeni, Hýnan provıntsııasy aýmaǵyndaǵy Býdda taýynyń eki shyńyn jalǵastyratyn 30 metrlik aspaly kópir tutastaı shynydan jasalǵan.
Aıta keter jaıt, buryn bul kópir aǵashtan turǵyzylǵan bolatyn. 2014 jyly onyń biraz bóligi shynyǵa aýystyryldy. Al sońǵy birneshe aı boıy tynbastan istelgen jumystyń arqasynda álemdegi túbi shynydan jasalǵan alǵashqy kópir bolyp shyǵa keldi.
Sýretterden de alǵashqy týrısterdiń qorqynyshtan tipti aıaqtaryn basa almaı qalǵandyǵy jáne olardy súıreleýge týra kelgendigi kórinip-aq tur.
