«Shyny balanyń» ata-anasyn aldaǵandardy qolǵa túsirgen polıtseıler marapattaldy
Ál-Farabı polıtsııa bóliminiń basshysy Seıitjomart Seıithanǵa, shuǵyl ýákil Ǵalamat Bımahanovqa jáne taıaýda basqa kúdiktilerdi qolǵa túsirem dep, jaraqat alǵan ýchaskelik polıtsııa qyzmetkeri Nurjan Omarovqa partııanyń alǵys haty men estelik syılyqtar tapsyryldy.
Aıta keteıik, aǵymdaǵy jyldyń tamyz aıynda Oral qalasynda turatyn súıegi synǵysh balanyń otbasyn Shymkent turǵyny aldap, aqshasyz qaldyryp ketken bolatyn. Naýqas perzentine qymbat turatyn ota jasatpaq bolǵan ata-anasy úılerine de qaıta almaı, Shymshaharda qalyp qalǵan. Bul oqıǵany «Nur Otan» partııasy baqylaýyna alyp, quqyq qorǵaý organdarynyń qyzmetkerleri qyrkúıek aıynda alıaaqtardy qolǵa túsirdi. Qala turǵyndary kómekke muqtaj balaǵa qoldaý kórsetip, olar Astanaǵa emine attanyp ketken edi.
«Polıtseılerdiń jankeshti eńbeginiń nátıjesinde alaıaqtar qolǵa tústi. Sonymen qylmysker ustaldy dep qoıa saldyq. Degenmen, olardyń qolyna kisen salǵan tártip saqshylarynyń kim ekeni, qylmystyń qandaı qıyndyqtarmen ashylǵany aıtylmady.Shahardyń tynyshtyǵy men turǵyndardyń qaýipsizdigine jaýapty quqyq qorǵaý organdary qyzmetkerleriniń eńbegin eskerýimiz qajet. Olar - naǵyz kásibı mamandar», - dedi «Nur Otan» partııasy Shymkent qalalyq fılıaly tóraǵasynyń birinshi orynbasary Bahadyr Narymbetov.