Shyńǵys Aıtmatovtyń basylmaǵan romany tabyldy
ASTANA. 26 qyrkúıek. QazAqparat - Shyńǵys Aıtmatovtyń qaǵazdarynyń arasynan «Jer men syrnaı» atty basylmaǵan romany tabyldy. Bul týraly jazýshynyń qyzy Shyryn Aıtmatovaǵa silteme jasap, K-News habarlaıdy. Romanǵa Qyrǵyzstanda Úlken Shý kanalyn salýǵa qatysqan bir adamnyń ómiri arqaý bolǵan.
«Qoljazbanyń paraqtary ábden sarǵaıyp ketipti, sondyqtan ákem ony erterekte jazǵan bolýy múmkin. Qazir biz ony bastyryp, elektrondyq nusqada saqtap qoıdyq. Bir jyldyń ishinde baspadan orys tilinde shyǵaryp qalarmyz», - deıdi Aıtmatova.
Onyń aıtýynsha, roman emotsııaǵa toly, bálkim sondyqtan da jazýshy ony kózi tirisinde bastyrýǵa qulshynbaǵan bolar. Sondaı-aq, Aıtmatova bolashaqta kitapty aǵylshyn tiline aýdarý nıetin de jasyrmaǵan.
Shyńǵys Aıtmatov - álem ádebıetiniń klassıgi, «Ǵasyrdan da uzaq kún», «Alǵashqy muǵalim», «Janpıda» jáne basqa da romandary bar. Ol Lenındik syılyqtyń, úsh márte KSRO Memlekettik syılyǵynyń ıegeri boldy. Sondaı-aq, Eýropanyń ádebı syılyǵynyń jáne ádebıet salasyndaǵy basqa da kóptegen nagradalar men syılyqtardyń ıegeri.
