Shyńǵa órmeleýshiler 910 metrlik taýǵa qolymen shyqty
ASTANA. QazAqparat - Shyńǵa órmeleý sportynda erekshe qaldyratyn jetistik ornatyldy. Shyńǵa órmeleýshi eki sportshy AQSh-tyń 910 metrlik El-Kapıtan taýyna kómekshi quraldardyń kómeginsiz shyqty, dep habarlaıdy National Geographic Russia.
El-Kapıtan granıtti shyńy Amerıkanyń Kalıfornııa shtatyndaǵy Iosemıtı ulttyq saıabaǵynda ornalasqan. Bul Soltústik Amerıkadaǵy taýly monolıt shyńdardyń biri bolyp tabylady.
Onyń shyńyna alǵash ret 1958 jyly Ýorren Hardıng, Ýeın Merrı jáne Djordj Ýıtmor 40 kúnnen astam ýaqyt ishinde kóterilgen. Bul shyńnan beısdjampıngtiń negizin qalaýshy Karl Benısh óziniń alǵashqy sekirýlerin jasaǵan.
El-Kapıtanǵa jaqynda jasalǵan kóterilý tarıhı oqıǵa bolyp tabylady. Ol 2014 jyldyń 27 jeltoqsanynda bastalyp, 19 kúnge sozyldy. Osy ýaqyttyń ishinde Tommı Keldýell (Tommy Caldwell) men Kevın Iorgeson (Kevin Jorgeson) jerge túspeı, quzdaǵy aspaly platformada turǵan. Jartasqa shyǵýshylar kóterilý úshin aıaq-qoldaryn ǵana paıdalanǵan.
Jartasqa kóterilýge daıyndyqqa (birinshi kezekte, oǵan ilgekter men basqa da kómekshi quraldardy paıdalanýsyz shyǵý tehnıkasyn meńgerý) Keldýell men Iorgeson 7 jyl ýaqytyn jumsady. Olaı bolǵanymen, bul tehnıkanyń mashaqaty kóp, sportshylarǵa saýsaqtaryndaǵy jaralardy únemi emdeýge týra keledi. Esesine endi El-Kapıtanda kúrdeliligi 9a dep atalǵan álemdegi alǵashqy úlken shyń baǵdary jasaldy. Ol Dawn Wall ataýyna ıe boldy.
36 jastaǵy Keldýell - álemdegi eń tanymal jáne «júrekti» shyńǵa órmeleýshilerdiń biri. Taýǵa alǵash ret ákesimen birge 3 jasynda kóterilgen. Ol kóptegen shyńdardy baǵyndyrǵan, El-Kapıtanda da talaı ret bolǵan - biraq buǵan deıin oǵan dástúrli quraldardyń kómegimen shyǵyp kelgen.
