Shyndyqty aıta bilý ekiniń biriniń qolynan kelmeıdi - senator S.Jalmaǵambetova
ASTANA. 15 aqpan. QazAqparat - «Shalqar» radıosynyń turaqty «Depýtat saǵaty» baǵdarlamasynda QR Parlamenti Senatynyń depýtaty Svetlana Jalmaǵambetovamen suhbat ótti.
Tikeleı efırde ótken suhbat barysynda halyq qalaýlysy: «Shyndyq murat bolýy kerek. Shyndyqty aıta bilý ekiniń biriniń qolynan kelmeıdi. Menińshe, depýtattar da keıde shyndyqty asa aıta bermeıdi. Biraq shyndyqty aıtý - ol maqsat. Óıtkeni saılaýshylar saılaǵanda «bizdiń múddemizdi ashyq qorǵaıdy, eshteńeden qoryqpaıdy, osy máselelerdi kóteredi», dep senedi ǵoı. Sondyqtan da sol senimdi aqtaýymyz kerek dep oılaımyn. Keıde meniń aıtqan shyndyǵym Úkimetke unamaıtyn da shyǵar, kóptegen ókpeler de bolýy múmkin. Biraq men aıtpaı qoımaımyn. Ásirese, bıýdjettiń oryndalýy barysyna kóptegen qatty syn aıtyp júrmin», - deıdi.
