Shynazbekova jeńil atletıkadan qazaq qyzdary arasynda tuńǵysh Azııa chempıony atandy
ASTANA. QazAqparat - Iranda ótip jatqan jabyq keshendegi Azııa chempıonatynyń ekinshi kúni áıelder arasynda 60 metrge tosqaýyldar arqyly júgirgen Áıgerim Shynazbekova chempıon atandy, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
Áıgerim Tegeranda atalǵan qashyqtyqty 8.32 sekýndta júgirdi. Sóıtip, qarsylastarynyń barlyǵyn qapy qaldyryp, alǵash ret jabyq keshendegi Azııa chempıonatynyń jeńimpazy atanyp otyr.
Aıta keteıik, Qazaqstan sportshylary jabyq keshendegi Azııa chempıonatynan ázirge 4 altyn, 2 kúmis, 1 qola medal jeńip aldy. Áıgerimniń aldynda Irına Ektova (úsh qarǵyp sekirý), Svetlana Golendova (400 metrge júgirý), Tatıana Neroznak (3000 metrge júgirý) chempıon atanǵan bolatyn. Sondaı-aq Vıktorııa Zıabkına (60 metrge júgirý), Elına Mıhına (400 metrge júgirý) kúmis, Nadejda Dýbovıtskaıa (bıiktikke sekirý) qola júlde jeńip alǵan.
Jeńil atletıkadan VIII jabyq keshendegi Azııa chempıonaty.
2 aqpan. Iran, Tegeran.
60 metrge tosqaýyldar arqyly júgirý, áıelder:
1.Áıgerim Shynazbekova (Qazaqstan) - 8.32 s
2. Elnaz kompani (Iran) - 8.46
3. Sara nadafi (Iran) - 8.87.
