«Shyn júrekten» realıtı-shoýy búgingi kúnniń batyrlaryn halyqqa pash etedi
ASTANA. QazAqparat - «Qazaqstan» telearnasynda 2014 jyldyń qyrkúıek aıynda efırge shyqqan «Shyn júrekten» realıtı-shoýy otandyq telearna tarıhyndaǵy teńdesi joq telejoba retinde san myńdaǵan kórermenniń júregine birden jol tapty.
«Ótken jyldyń qyrkúıek aıynan bastap qazirge deıin efırde júrip jatqan bul baǵdarlamaǵa búgingi kúnniń naǵyz qaharmandary keıipker boldy. Olardyń arasynda sońǵy 15 jylyn qýyrshaq jasaý isine arnaǵan qamqor áke, 50 jyldan soń sahnaǵa oralǵan Úmitjan áje, sýǵa ketken 12 balany jalǵyz ózi qutqarǵan batyr - Beısetaı Dáýrenbekov, qazaq tilinde sóılep, qazaqtyń dombyrasyn tartatyn balalar úıiniń tárbıelenýshileri ıÝlııa jáne Nastıa Anışýkter jáne de basqa jasampaz jandar bar», - delingen telearnanyń habarlamasynda.
Búginge deıin 29 jannyń armanyn oryndap, olardyń izgi maqsattaryn halyqqa pash etken «Shyn júrekten!» realıtı-shoýy qorytyndylanbaq. Túsirilim barysyndaǵy nebir qyzyqty jaıttar, áserli sátter kórinis tapqan fınaldyq baǵdarlamany «Qazaqstan» telearnasynan búgin, juma kúni 21.55-te tamashalaı alasyzdar.
Jobanyń maqsaty - kórermenderge qazirgi zamannyń batyrlary dep aıtýǵa turatyn keıipkerlerdiń erlik áreketterin jetkizý, nasıhattaý.
Kóbinese meıirimdi jandar ózderiniń jaqsy isteri jaıly aıtyp jatýdy unata bermeıdi. Biraq biz osyndaı erekshe erlik, jaqsylyq ıeleri týraly eldiń bilgenin qalaımyz jáne «Shyn júrekten» arqyly sol adamdardy kópshilikke úlgi etemiz. Baǵdarlama emotsııaǵa toly. Oryndy oıyn men ádemi ázil baǵdarlamanyń kórkin ashpaq.
