Shyn sýretkerler eshqashan jalǵan sóılegen joq - Dýlat Isabekov
ALMATY. 23 aqpan. QazAqparat - 2030 jyldy dramatýrgsyz qarsy alýymyz múmkin. Ony «Mádenıet» jýrnalynyń bas redaktory, jazýshy-dramatýrg Dýlat Isabekov búgin Almatyda «Órkenıet» halyqtyq
ýnıversıteti qoǵamdyq uıymynyń Jas dramatýrgter men synshylar klýbynyń alǵashqy májilisinde aıtty.
«Búgingi dramatýrgııadaǵy qıynshylyq neni jazý men tıptik beıneni tabý bolyp otyr. Biz dramatýrgııaǵa kelgende neni jazatynymyzdy bilip keldik. Ol kezde dramatýrgııada yntalylyq boldy. Meni dramatýrg jasaǵan Oralhan Bókeev. Men jalǵyz jazam ba, sen de kiris dedi», - degendi aıtty D. Isabekov. QR Memlekettik syılyǵy ıegeriniń aıtýynsha, qazir dramatýrgııaǵa qoıylatyn talǵam tómendep ketti. Sonyń nátıjesinde onyń máni kete bastady. Búgingi kezde kez-kelgen shyǵarma sahnalanýda. Ońtústik óńirde teatrlar jergilikti avtor, jergilikti taqyryp degen talap qoıatyn boldy.
«Qazir kitap shyǵarý men pessa qoıý da sonshalyqty ońaı bolyp ketti. Teatrlar jaqsy, biraq tegin jaz degen pikir ustanýda. Ynta-yqylas bolmaǵan soń 40-qa deıingi jas dramatýrgter joq. Ermek Amanshaev, Dıdar Amantaev sııaqty táp-táýir bastaǵan jigitter 1-2 pessamen shektelip qaldy. Bul qarqynmen 2030 jyldy dramatýrgsyz qarsy alýmyz múmkin», - deıdi D. Isabekov.
