Shyn ádebıetti shynaıy talanttar týdyrady - Memleket basshysy Nursultan Nazarbaev
ASTANA. Jeltoqsannyń 5-i. QazAqparat /Qanat Mámetqazyuly/ -Shyn ádebıetti shynaıy talanttar týdyrady. Búgin belgili jazýshy, qoǵam qaıratkeri, senator Ábish Kekilbaevtyń 70-jyldyq mereıtoıyna arnalǵan shyǵarmashylyq keshinde sóz sóılegen QR Prezıdenti Nursultan Nazarbaev osylaı dedi,
dep habarlaıdy QazAqparat.
«Bizde ádebıet degendi «ásire qyzyl sóz, minshildik pen kúnshildiktiń kezekten túspes kirsheń qarýy dep túsinetinder de barshylyq. Al shyn máninde ádebıet - janyńdy jaqsy áserge bóleıtin, oıyń men sanańdy sergitetin, armanyń men qııalyńa qanat baılaıtyn, úmitińe jol silteıtin qudiretti kúsh. Shyn ádebıetti shynaıy talanttar týdyratyny sodan bolsa kerek. Bul turǵydan kelgende, Jaratqan Á. Kekilbaıulyna osyndaı múmkindikter men qabiletti qapysyz bergen. Aqıyq aqyn Muqaǵalı «Kúpi kıgen qazaqtyń qara óleńin, shekpen jaýyp ózine qaıtaramyn», dep jazsa, Á. Kekilbaıuly qazaqtyń qara sózin jahandanýdyń jaýhar bózine orap, shyndyqtyń shapanymen áshekeıleıdi», dedi Elbasy.
Memleket basshysynyń aıtýynsha, 1982 jyly Germanııanyń ataqty baspasy HH ǵasyrdyń úzdik júz qalamgeriniń tizimin jasap, portretterin túzgen. Sol tizimde M. Sholohov, B. Pasternak, Sh. Aıtmatov, R. Ǵamzatov, A. Blok sekildi ataqtylardyń arasynda Á. Kekilbaıulynyń da esimi jazylǵan.
