Shymkenttiń jemqorlyqpen kúres qyzmeti jyldy qorytyndylady
Bul týraly departamenttiń baspasóz qyzmeti habarlady.
Otyrysqa qoǵam, din, úkimettik emes uıymdar, bıznes qaýymdastyq, arnaıy monıtorıngtik top jáne «Nur Otan» partııasynyń ókilderi, jalpy 200-ge jýyq adam qatysty.
Atqarylǵan jumystar týraly negizi baıandamany departament basshysy A.Jumaǵalı jasap, vedomstvonyń negizgi jumys baǵyttary boıynsha qyzmetin jan-jaqty baıandap berdi.
A. Jumaǵalı atap ótkendeı, ótken jyly aldyn alý jumystaryna basa nazar aýdarylyp, 2 myńǵa jýyq is-shara ótkizilgen.
Jastarmen jáne halyqpen qatar barlyq qalalyq memlekettik mekemeler men olardyń vedomstvolyq baǵynysty uıymdarynyń eńbek ujymdary qamtylǵan.
Bıznesti qorǵaýǵa erekshe kóńil bólindi. Búgingi kúni 55 mlrd.teńgeden astam somaǵa 26 ınvestıtsııalyq joba (5 shetel qatysýymen) sybaılas jemqorlyqqa qarsy súıemeldeýmen qamtylǵan.
Avtomobıl joldary qurylysynyń sapasyna da monıtorıng júrgizilýde. «Sapaly jol» jobasy aıasynda Indýstrııa jáne ınfraqurylymdyq damý mınıstrliginiń bólimshelerimen birge 72 tártip buzýshylyq anyqtalyp, olardyń 68-in merdigerlik uıymdar joıdy.
Sybaılas jemqorlyq kórinisterine jol bermeý sharalarynyń biri sybaılas jemqorlyq táýekelderin taldaý bolyp tabylady.
Osy baǵytta júrgizilgen syrtqy taldaýlardyń qorytyndysy boıynsha 84 usynys engizildi, onyń 65-i oryndaldy.
Aldyn alý sharalarymen qatar Zańnyń ústemdigi jáne sybaılas jemqorlyq úshin jazalaýdyń bultartpastyǵy mańyzdy basymdyq bolyp qala beredi.
Statıstıkaǵa sáıkes, ótken jyly Departament ókilderi 60 qylmysty tirkep, 58 adam qylmystyq jaýapqa tartyldy, Olardyń basym bóligi ishki ister organdarynyń (17), ákimdiktiń jáne oǵan qarasty uıymdarǵa (16) tıesili.
39 adam ártúrli jaza boıynsha sottaldy (7 bas bostandyǵynan aıyrý, 2 bas bostandyǵyn shekteý, 26 aıyppul).
Joǵaryda kórsetilgen tulǵalardyń 10-y memlekettik organdarda ártúrli basshylyq laýazymdardy atqarǵan, olardyń 1-i respýblıkalyq, 6 oblystyq (qalalyq) jáne 3 aýdandyq deńgeıdegi basshylar.
Olardyń ishinde, «Saıram-Ógem» memlekettik ulttyq tabıǵı parki« respýblıkalyq memlekettik mekemesiniń bas dırektory, jer qatynastary, bilim, mádenıet basqarmalary, kásipkerlik bólimderi basshylary men qala ákimine tikeleı baǵynatyn Іshki aýdıt basshysy bar.
Anyqtalǵan sybaılas jemqorlyq qylmystarynyń ishinde paraqorlyq faktileri (26, onyń ishinde para alý -18, berý -5, deldaldyq -3) jáne alaıaqtyq (13) basym bolyp keledi.
Bıznesti qorǵaý aıasynda 38 shaǵyn jáne orta bıznes kásipkerleriniń quqyqtaryn qalpyna keltirýge qol jetkizildi, 9 laýazymdy tulǵa kásipkerlerge zańsyz qysym kórsetkeni úshin qylmystyq jaýapqa tartyldy.
«Biz óz qyzmetimizde ashyqpyz. Sybaılas jemqorlyq kórinisterine tap bolǵan kez kelgen azamat bizdiń Departamentke nemese 1424 nómiri boıynsha CaII-ortalyqqa habarlasa alady – dep atap ótti A.Jumaǵalı.
Óz kezeginde, Shymkent qalasy boıynsha Sybaılas jemqorlyqpen kúres qyzmeti jemqorlyqqa qarsy kúres aıasynda óz qyzmetin kúsheıtýdi kózdep otyr.
Azamattardyń, kásipkerliktiń konstıtýtsııalyq quqyqtaryn qorǵaý, bıýdjet qarajatyn jymqyrý jáne maqsatsyz paıdalanýdy anyqtaý, sondaı-aq memlekettik qyzmetti sybaılas jemqorlyqtan tazartý basymdyqtar bolyp qala beredi.
Bizdiń basty maqsatymyz-sybaılas jemqorlyqsyz qoǵam qurý dep atap ótti A.Jumaǵalı.
Otyrys barysynda jemqorlyqqa qarsy baǵyttalǵan baǵdarlamalardy júzege asyrý boıynsha júrgizilip jatqan jumystar týraly »Nur Otan« partııasy Shymkent qalalyq fılıaly tóraǵasynyń birinshi orynbasary B. Narymbetov sóz sóıledi.
«Shymkent-adaldyq alańy» jobasy aıasynda jáne Arnaıy monıtorıngtik toppen atqarylǵan jumystar boıynsha Jobalyq keńse basshysy E.Tólebaev pen Á.Ássandı sóz sóıledi.