Shymkenttiń ýaqytsha ustaý abaqtysynda kúdikti asylyp qaldy
ShYMKENT. QazAqparat - Shymkenttiń ýaqytsha ustaý abaqtysynda kúdikti asylyp qaldy. 29 jastaǵy jigittiń máıitin kúzetshiler kamerasynan taýyp alǵan, dep habarlaıdy QazAqparat HAA tilshisi.
Oblystyq ІІD baspasóz qyzmetiniń málimetinshe, sezikti tamyz aıynda top bolyp buzaqylyq jasaǵany úshin qamaýǵa alynǵan eken. Al, úsh sybaılasy buǵan deıin qolǵa túsip, sottyń sanktsııasymen ýaqytsha ustaý abaqtysyna jabylypty.
«1988 jyly týǵan kúdiktiniń ústinen Qylmystyq kodekstiń 293 babynyń 3 bóligi «Atys qarýyn, gazdy qarýdy, pyshaqtardy, kastetterdi jáne ózge de sýyq qarýdy ne densaýlyqqa zııan keltirý úshin arnaıy laıyqtalǵan basqa da zattardy qoldanyp nemese qoldanýǵa tyrysyp jasalǵan buzaqylyq is-áreketter» boıynsha is qozǵalǵan bolatyn. Qazir osy oqıǵaǵa baılanysty Qylmystyq kodekstiń 105 «Ózin-ózi óltirýge deıin jetkizý» babymen is qozǵaldy. Sot-medıtsınalyq saraptamalar taǵaıyndalyp, tergeý amaldary júrgizilip jatyr», - deıdi oblystyq ІІD baspasóz qyzmetiniń jetekshisi Saltanat Qarakózova.
