Shymkenttiń tórt aýdanynda aýmaqtyq saılaý komıssııalary quryldy

ASTANA. QazAqparat - QR Ortalyq saılaý komıtetiniń keńeıtilgen otyrysynda Shymkent qalasynda aýmaqtyq saılaý komıssııalary qurý Qaýlysy qabyldandy, dep habarlaıdy QazAqparat tilshisi.

2018 jyldyń maýsym aıynda Shymkent respýblıkalyq mańyzy bar qalalar qataryna engen edi.

 «2018 jyldyń maýsym aıynda  Nursultan Nazarbaev «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Jarlyqqa qol qoıdy jáne Shymkent qalasyn respýblıkalyq mańyzy bar qalalar sanatyna jatqyzý Qaýlysyn qabyldady. Osyǵan baılanysty Shymkent qalasynyń tórt aýdanynda aýmaqtyq saılaý komısııalary qurylýy tıis», - dedi QR Ortalyq saılaý komıssııasynyń Saılaý protsesin uıymdastyrý bóliminiń meńgerýshisi Dáýren Ysqaqov Ortalyq saılaý komıssııasynyń keńeıtilgen otyrysynda. 

«Qazaqstan Respýblıkasyndaǵy Saılaý týraly» konstıtýtsııalyq zańnyń 10-babynyń 3-tarmaǵyna sáıkes, aýmaqtyq saılaý komıssııalaryn Ortalyq saılaý komıssııasy qurady.

Aýmaqtyq saılaý komıssııalary Shymkenttiń Abaı, ál-Farabı, Eńbekshi jáne Qarataý aýdandarynda ashylady.