Shymkenttiń temirjol vokzalynan jarylǵysh zat tabylmady

Shymqalanyń temirjol beketiniń qyzmetkerleri ǵımaratqa jarylǵysh zat qoıylǵany týraly habar kelip túsken bette odan shamamen 500-ge jýyq adamnyń syrtqa shyǵarylǵany týraly habarlady. Arnaıy qyzmet ókilderi oqıǵa ornynda eki saǵattan astam ýaqyt boıy jumys jasady.

Budan buryn habarlaǵanymyzdaı, belgisiz bireý polıtsııaǵa qońyraý shalyp, atalmysh ǵımaratqa jarylǵysh zattyń qoıylǵany týraly habarlaǵan bolatyn. Bul derektiń jalǵandyǵy anyqtalǵan soń temirjol beketi mańyndaǵy qorshaý alynyp tastaldy. Poıyzdar Shymkent stansasy arqyly júristerin qaıta jandandyrdy. Jarylǵysh zatty izdestirý kezinde beket jumysy shamamen bir saǵattaı toqtap turǵan edi.