Shymkenttiń teatrynda ótken jattyǵýda uıyqtap qalǵan polıtseıler jumystan shyǵarylǵan joq
ShYMKENT. QazAqparat - Shymkenttiń teatrynda ótken kezekti jattyǵýda uıyqtap qalǵan polıtseıler jumystan shyǵarylǵan joq. Bul týraly qalalyq ІІD baspasóz qyzmetiniń ókilderi málimdedi, dep habarlaıdy QazAqparat tilshisi.
Aıta keteıik, Erbol Jumaǵul degen azamat Feısbýk áleýmettik jelisindegi paraqshasynda úsh birdeı tártip saqshysynyń teatrda uıyqtap jatqan sýretin salǵan bolatyn.
«Teatrǵa kirsem, tártip saqshylary demalyp jatyr eken. Dál foıede. Polıtseılerdiń biriniń qoryly quqyqqorǵaýshynyń naq ózin kórsetkendeı. Al, negizinde terrorısterge qarsy jattyǵýlar bolyp jatqan. Men terrorısterge qyzyǵyp qaldym» delingen paraqshada.
Qalalyq ІІD qazir bul jaǵdaıǵa baılanysty tekserý sharalary júrgizilip jatqanyn jetkizdi.
«Qazir bul faktige baılanysty qyzmettik tekserý júrip jatyr. Ol qyzmetkerlerdiń aty-jónderi anyqtaldy. Ázirge qyzmetterinen bosatylǵan joq. Tártiptik komıssııa tekserý júrgizedi. Sol komıssııanyń tekserý qortyndysymen ІІD bastyǵy jumystan bosatý nemese qatań sógis berý týraly sheshim qabyldaıdy», - deıdi baspasóz qyzmetiniń ókili.
