Shymkenttiń sot qyzmetkerleri qylmystyq is júrgizý tártibin talqylady

ShYMKENT. QazAqparat – Shymkent qalasynyń ál-Farabı aýdandyq sotynda sot qyzmetkerleri mamandarynyń biliktiligin joǵarylatý maqsatynda «Qylmystyq is júrgizý týraly túsinik jáne onyń qaǵıdalary» boıynsha semınar-keńes uıymdastyryldy, dep habarlaıdy QazAqparat tilshisi.

Basqosý barysynda sýdıa S.Týleshov «Qylmystyq is júrgizý týraly túsinik jáne onyń qaǵıdalary» atty baıandama jasady. Onyń sózinshe qylmystyq is júrgizý quqyǵy qylmystyq quqyqpen tyǵyz baılanysty.

«Qylmystyq is júrgizý quqyǵy – bul qylmystyq ister boıynsha is júrgizý tártibin bekitetin jáne qylmystyq isterdi qozǵaý, tergeý, sotta qaraý boıynsha anyqtaý, aldyn-ala tergeý, prokýratýra men is júrgizý máselelerin retteıtin quqyqtyq normalar júıesi. Sonymen birge qylmystyq protsess bul aldyn ala tergeý, prokýror, sýdıa jáne sot organdarynyń zańmen rettelgen qyzmeti»,- dedi sýdıa.

Semınar barysynda sondaı-aq, QR Prezıdentiniń Joldaýynda belgilegen zaman talabyna saı tıimdi memleket qurýdaǵy memlekettik organdardyń róli jáne azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý mindeti turǵany aıtyldy. Qoǵamdyq dıalog, ashyqtyq, adamdardyń muń-muqtajyna jedel nazar aýdarý memlekettik organdar qyzmetiniń negizgi basymdyqtary bolyp sanalatyny qamtyldy. Іs-shara sońynda qatysýshylar qamtylǵan taqyryp boıynsha ózara pikir almasty.