Shymkenttiń ortalyq sý-sporttyq kesheni 1,5 mlrd teńgege satyldy
ShYMKENT. QazAqparat - Shymkenttiń ortalyq sý-sporttyq kesheni 1,5 mlrd teńgege satyldy. Búgin oblystyq sport jáne dene shynyqtyrý basqarmasyna tıesili keshen aýktsıon arqyly saýdaǵa salyndy, dep habarlaıdy QazAqparat HAA tilshisi.
Sala mamandarynyń sózinshe, bastapqy baǵa 1 mlrd 213 mln teńgeden bastalǵan. Satyp alýshylar baǵany taǵy 287 mln teńgege kótergen. Dese de satyp alýshynyń kim ekeni ashyp aıtylmaı otyr. Sebebi, ol aty-jóniniń jarııa etilýin qalamaǵan.
Aıta keteıik, úlken sporttyq keshen álemdik talaptarǵa saı keledi. Munda halyqaralyq deńgeıdegi jarystardy ótkizýge bolady. Basseındegi sý qajet jaǵdaıda jylytylyp otyrady.
