Shymkenttiń ortalyq alańynda bas shyrsha shamy jaǵyldy
ShYMKENT. QazAqparat - Shymkenttiń ortalyq alańynda bas shyrsha shamy saltanatty túrde jaǵyldy. Qala turǵyndary jınalǵan shara barysynda oblys ákimi Janseıit Túımebaev kópshilikti kele jatqan jańa jyldyq merekesimen quttyqtady, dep habarlaıdy QazAqparat tilshisi.
Ál-Farabı alańynda boı kótergen bas shyrshanyń bıiktigi 17 metrdi quraıdy. Jyl saıynǵy dástúrge saı jańa jyldyq shyrsha shamy bul joly da Táýelsizdik merekesinen keıin jaǵyldy. Saltanatty shara barysynda merekelik teatrlandyrylǵan qoıylym qoıylyp, oǵan jańa jyldyń súıikti keıipkerleri Aıaz ata men Aqshaqar jáne ertegi keıipkerleri qatysty. Kontserttik baǵdarlama uıymdastyrylyp, qala turǵyndaryna kóterińki kóńil-kúı syılady.
Aıta keteıik, jańa jyldyq shyrshalar qalanyń úsh jerinde - Ál-Farabı alańynda, Shámshi Qaldaıaqov alleıasynda jáne «Nursat» móltek aýdanyndaǵy ákimshilik-iskerlik ortalyqta ornatylǵan.
