Shymkenttiń ortalyǵyndaǵy eski ǵımarat órtendi
ShYMKENT. QazAqparat - Shymkenttiń ortalyǵyndaǵy eski ǵımarat órtendi. Tilsiz jaý tań ata 5.56 shamasynda oryn alǵan, dep habarlady QazAqparat tilshisi.
«Jalyn 516 sharshy metr alańdy sharpyǵan. Sonyń saldarynan ǵımarattyń qabyrǵalary men shatyryn qulatqan. Órtti aýyzdyqtaýǵa 17 texnıka men 113 sóndirýshi, sondaı-aq "LTD turmys" mekemesiniń 2 sý tasyǵysh texnıkasy jumyldyryldy», - dep habarlady oblystyq TJD.
Órt sóndirý jumystary kezinde 1 qyzmetker jaraqat alyp, jedel járdem aýrýxanasyna jatqyzyldy. Oǵan tıisti emdeý sharalary jasalyp, dıagnozy naqtylanýda.
Eki saǵattan asa jalynmen arpalysqan sóndirýshiler jalyndy 7.37 - de sóndire addy. Ǵımarattyń basym bóligi janyp ketti.
Aıta keteıik, eski ǵımarat 1940 jyly salynǵan. Onda sońǵy kezde advokattar alqasy men Ál-Farabı aýdandyq ákimdigi otyrǵan edi. Ótken jyldan beri ǵımarat apatty dep tanylyp, bosatylǵan bolatyn.
