Shymkenttiń ortalyǵynda janarmaı beketi janyp jatyr

Rysqulov kóshesi men Qonaev dańǵyly qıylysynda ornalasqan «Sıgma» janarmaı quıý beketi órtke orandy. Oqıǵa ornyna ázirge órt sóndirýshiler jetken joq. Tek sol jerdegi qyzmetkerler qolda bar materıaldarmen jalyndy sóndirýge árekettenýde, biraq odan nátıje bolmaı jatyr. Kýágerler janarmaı quıý beketiniń janyp jatqanyn uıaly telefonǵa túsirip alypty. Qalaı bolǵanda da bekettiń janynda qonaq úı men kópqabatty úı bar. Jalyndy der kezinde aýyzdyqtamasa, órt sol jaqqa da ótip ketý qaýpi bar.