Shymkenttiń «Ordabasy» fýtbol komandasy Eýropa lıgasynda el namysyn qorǵaıtyn boldy
ShYMKENT. QazAqparat - Fýtboldan Shymkenttiń «Ordabasy» fýtbol klýby tuńǵysh ret el premer-lıgasynda qola júldege qol jetkizdi. Qazaqstan Premer-lıgasynyń 30-týrynda «Ordabasy» óz tarıhynda birinshi ret qola júldeger atanyp, keler jyly Eýropa lıgasynda óner kórsetýge múmkindik aldy, dep habarlaıdy QazAqparat tilshisi.
Al Chempıondar lıgasynda óner kórsetýge múmkindik beretin el birinshiliginiń altyn júldesi kimge buıyratyny áli belgisiz bolyp tur. Qazirgi ýaqytta týrnır kestesin 73 upaı jınaǵan «Astana» bastap tursa, 69 upaıy bar «Qaırat» ekinshi orynǵa jaıǵasqan.
Keler maýsymda Eýropa alańdarynda shymkenttik «Ordabasy», almatylyq «Qaırat» jáne elordalyq «Astana» klýbtary oınaıdy. Al tórtinshi joldama «Ertis» (41), «Tobyl» (40), «Shahter» (36), «Qaısar» (35) nemese «Atyraý» (32) klýbtarynyń birine buıyrýy múmkin.
Aıta keteıik, El premer-lıgasynyń aıaqtalýyna úsh týr qalǵanda «Ordabasy» qola júldeger atanyp otyr. Osyǵan deıin bul komandanyń úzdik kórsetkishi tórtinshi oryn bolyp kelgen.
