Shymkenttiń "Ordabasy" fýtbol klýby Rýmynııanyń Býharest qalasynyń («Rapıd») aıaqdopshlyaryna 2:4 esebimen ese jiberdi
ALMATY. 1 aqpan. QazAqparat /Erlik Erjanuly/ - Búgin Túrkııanyń Antalııa qalasynda fýtboldan Sheshen Respýblıkasynyń Tuńǵysh Prezıdenti Ahmat Qadyrovtyń kýbogy úshin ótip jatqan halyqaralyq týrnırdiń toptyq kezeńi aıaqtalady.
Onda "A" tobyndaǵy óner kórsetip jatqan Shymkenttiń "Ordabasy" fýtbol klýby keshe Rýmynııanyń Býharest qalasynyń («Rapıd»), aıaqdopshlyaryna 2:4 esebimen ese jiberdi. Búgin olar endi Latvııanyń Daýgavpıls qalasynyń «Daýgava» fýtbolshylarymen kúsh synasady. Buǵan deıin olar alǵashyq oıynda Sheshenstannyń Groznyı qalasynyń «Terek» komandasyna 0:1 esebimen utylǵan edi. Qazir týrnır kestesinde 6 upaımen «Terek» pen «Rapıd» kósh bastap keledi. Al «Ordabasy «men «Daýnavanyń» qorjyny ázirge bos. Sondyqtan búgingi oıynda olar bir-birinen upaı alý úshin barlyq kúsh-jigerin jumyldyrýǵa tyrysady. Latvııalyqtar buǵan deıin sheshenderge 0:3, al rýmyndarǵa 1:3 esebimen utylǵan edi. Endi 3 aqpanda toptyq kezeńniń jeńimpazdary 1-orynǵa, al ekinshi oryn alǵandar 3-orynǵa talasady. Qazir «B» tobyndaǵy komandalardyń bárinde 3 upaıdan bar. Onda Harkovtyń «Metallıst», Bakýdyń «Neftchı», Varshavanyń «Polonııa» jáne Tashkenttiń «Pahtakor» komandalary óner kórsetýde. Búgin bakýlikter men tashkenttikter, harkovtikter men varshavalyqtar ózara sheberlik baıqasady.
