Shymkenttiń «Ordabasy» fýtbol klýby eki jańa oıynshymen tolyqty
Aıta keteıik, 31 jastaǵy Joao Paýlo Brazılııa fýtbol mektebiniń tərbıelenýshisi. Jartylaı qorǵaýshynyń kəsibı mansaby 2007 jyly týǵan klýby «ABS» sapyndaǵy alǵashqy oıynyn ótkizgen kezden bastaldy. Odan keıin oıynshy mansabynda birneshe brazılııalyq jəne ońtústikkoreıalyq klýbtarda oınaǵan. Bolgarııalyq Plovdıv qalasynyń «Botev» klýbyna aýysqan. Ol komanda sapynda 19 oıyn ótkizip, 12 gol soqqan. Osyndaı jarqyn oıynynan keıin ol mansabyn Bolgarııanyń ataqty chempıony - «Lýdogorets» fýtbol klýbynda jalǵastyrǵan. Bul ujymnyń quramynda Bolgarııanyń eki dúrkin chempıony atanyp, bir ret Sýperkýbokqa qol jetkizgen. Oıynshymen eńbek kelisimi 2019 jyldyń qarasha aıyna deıin jasalǵan.
Al, Maı Mahlangý Ońtústik Afrıka Respýblıkasy ulttyq quramasynyń jartylaı qorǵaýshysy. Quramadaǵy debıýty 2012 jyldyń qańtaryndaǵy Ekvatorlyq Gvıneıa quramasyna qarsy kezdesýde oryn alǵan. 2013 jyly Afrıka Kýbogyna qatysqan onyń mansaby óz elindegi afrıkalyq «Stars of Afrıka» klýbynda bastalǵan. 2008 jyldan bastap, mansabynyń jańa kezeńi bastalǵan. Jartylaı qorǵaýshy shvetsııalyq «Helsınbýrg», «Hasselholm» jəne «Geteborg», odan bólek, túrkııalyq «Konıaspor», belgııalyq «Sent-Treıden» men býharesttik «Dınamo» komandalarynda óner kórsetken. Sońǵy oınaǵan klýby 2018 jyly aýysqan bolgarııalyq «Lýdogorets». Jetken jetistikterine toqtalatyn bolsaq, eki ret Shvetsııa chempıonatynyń úzdik oıynshysy, Shvetsııa chempıonatynyń jeńimpazy, Shvetsııa kýbogy men Sýperkýbogynda eki retten jeńimpaz atanǵan. 30 jastaǵy aıaqdopshy OAR eliniń azamaty. «Ordabasy» men «Lýdogorets» klýbtary arasyndaǵy Maıa Mahlangýdy jalǵa alý kelisimi 2019 jyldyń qarasha aıyna deıin qarastyrylǵan.
