Shymkenttiń ondaǵan kóshesinde eki kún boıy gaz bolmaıdy

ShYMKENT. QazAqparat -  Shymkenttiń ondaǵan kóshesine eki kún boıy gaz berilmeıdi. Bul týraly qalalyq ákimdiktiń baspasóz qyzmeti málim etti, dep habarlaıdy QazAqparat tilshisi.

Qalalyq ákimdiktiń habarlaýynsha, kógildir otyndy ýaqytsha óshirý gaz qubyrlaryn jylytý maýsymyna daıyndaý maqsatynda qolǵa alynyp otyr.

"02-04 shilde kúnderi Shymkent qalasynyń myna kóshelerinde gaz berý ýaqytsha toqtatylady:

- Shymkent q. №1 ShNOS aınalma jolyndaǵy GTP-126 júıesine qosylǵan abonentterde, ıaǵnı Jastar, Qapal batyr, Panfılov, R. Pavlan, B.Ramız, Tólemetov, Toıshy-ata, Amýr-aǵa, Qurban-ata, Gagarın, Almaly, Aqnıet, Igilik kósheleri, Gagarın jáne Temirjol ótkelderi.  

«QazTransGaz Aımaq» AQ OQOF keltirilgen qolaısyzdyqtar úshin turǵyndardan keshirim suraıdy" delingen habarlamada.