Shymkenttiń myńnan astam turǵyny nekesin mobıldi qosymsha arqyly tirkegen
Naqtysyn aıtsaq búgingi kúnge deıin Shymkent qalasy boıynsha mobıldi qosymsha arqyly 1434 neke tirkelgen. 60 myńnan astam bala týý týraly kýálik, JShS-ni tirkeýge 160-qa jýyq ótinim berilgen. Sondaı-aq zańdy tulǵalar týraly 3 myńǵa jýyq jáne jyljymaıtyn múlik boıynsha 200 myńǵa jýyq málimetter berilgeni belgili boldy.
Sonymen qatar, Ádilet vıtse-mınıstri Ádilet organdary qyzmetiniń negizgi baǵyttary týraly aıtyp, qoldanystaǵy zańnama aıasyndaǵy ózekti ózgeristerdi atap ótti. Bekbolat Moldabekov ótken jyly zańnamalardy ózgertý boıynsha eleýli jumystar júrgizilgenin atap ótti.
«Máselen saıası partııalardyń, Qazaqstan halqy Assambleıasynyń, jergilikti memlekettik basqarý organdarynyń qyzmetin retteıtin zańdar ózgertildi. 2023 jylǵy 1 qańtardan bastap elde konstıtýtsııalyq sot jumys isteıdi. Endi Memleket basshysynyń bastamasymen elimizdiń barlyq azamattary Konstıtýtsııalyq sotqa júgine alady»,- dedi Bekbolat Moldabekov.
Vıtse - mınıstrdiń aıtýynsha, Memleket basshysynyń tapsyrmasyn oryndaý úshin mınıstrlik «Digital Justice» jobalarynyń portfelin – «tsıfrlyq notarıat», «E-zań kómek», «attestattaý reınjınırıngi», «E-atqarýshylyq is júrgizý», «Onlaın daýys berý jáne osti tirkeý» bastamalaryn qamtıtyn Tsıfrlyq Ádiletti iske asyrýda. Sondaı-aq smartfondardan memlekettik qyzmetterdiń qoljetimdiligi. «Qazir mobıldi qosymshalarda 32 qyzmet bar, onyń 28-i»EgovMobile«arqyly iske asyrylady jáne tórt qyzmet ekinshi deńgeıdegi bankterdiń mobıldi qosymshalary arqyly qoljetimdi», - dep atap ótti vıtse-mınıstr.
Іs-shara barysynda qala turǵyndary sot aktilerin oryndaýǵa, jyljymaıtyn múlikke quqyqtardy tirkeýge, muragerlik isti júrgizý tártibine, Advokattyq jáne notarıattyq qyzmetke qatysty máseleler talqylandy.
