Shymkenttiń munaı bazasynda bolǵan órttiń shyǵyny belgili boldy
ASTANA. QazAqparat - Shymkenttiń munaı bazasyna bolǵan órttiń saldarynan kelgen shyǵyn 1 mlrd 144 mln teńgeni qurady. Bul týraly jýrnalısterge Ońtústik Qazaqstan oblystyq Tótenshe jaǵdaılar departamentiniń memlekettik órtti baqylaý bóliminiń bastyǵy Baqytjan Zaparov málim etti.
Arnaıy komıssııa ókilderi júrgizgen tergeý jumystarynyń nátıjesi boıynsha, vagondarda qaýipsizdik sharalary talapqa saı atqarylmaǵan bolyp shyqty.
«Ekinshiden júkti tıeý men túsirý jumystary kezinde de ereje buzylǵan»,-dedi Zaparov.
Esterińizge sala keteıik, munaı bazasyndaǵy órt 4 tamyz kúni boldy. Onda janar-jaǵar maı toltyrylǵan tsısternaler órtendi. Jalyn vagondar men nasos stansasyn jáne benzovozdardy sharpydy. Sondaı-aq 15 munaı ónimderi toltyrylǵan rezervýarlarǵa da qaýip tóngen bolatyn. Alaıda, órt sóndirýshiler bul qaýiptiń aldyn ala bildi.
