Shymkenttiń mektep dırektorlary kabınetterin jappaı aýystyryp jatyr
Atalǵan bastamanyń negizgi maqsaty - mektepterdegi synyptar sanynyń jetispeýshiligin joıý, basshylardyń kabınetterin ońtaılandyryp, bıýdjet qarjysyn barynsha únemdeý.
«Shymkent - adaldyq alańy» jobalyq keńsesiniń qoldaýymen QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti bilim salasy basshylaryna jumystyń jańa formatyn usyndy.
Bundaı sharalardyń júzege asyrylýy barysymen tanystyrǵan QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń orynbasary Aıbek Shilmanov Agenttiktiń bastamasymen júzege asyrylyp otyrǵanyn jetkizdi.
«Qazirgi tańda departamentpen Shymkent qalasyndaǵy 64 memlekettik mekemede ornalasqan alańdary ońtaılandyryldy. Endi osy turǵydaǵy jumystardy baǵynysty mekemelerde de júrgizý josparlanýda» - dedi Aıbek Shilmanov.
«Qazirgi tańda 100-ge jýyq mektepte «Adaldyq dúkenderi» ashyldy. Adaldyq dúkenderi degenimiz - mektepterde muǵalimder men oqýshylar ózderine qajetti zattardy alyp, alynǵan taýar úshin aqshany kassalyq jáshikke qaldyryp, esep aıyrysady. ıAǵnı, dúkende satýshy joq, zatty satyp alýshylar óz-ózderine qyzmet kórsetetin bolady.
Mundaı dúkenderdi ashý balalardyń joǵary moraldyq qasıetterin kóterýge, atap aıtqanda, ádeptilik, adaldyq jáne ózin-ózi damytýǵa baǵyttalǵan.
Sonymen qatar, mektep dırektory óz kabınetterin oqýshylarǵa bosatyp berý úrdisi osymen toqtap qalmaı, barlyq qalalyq mektepterde júrgizý josparlanýda» - dedi Shymkent qalalyq bilim basqarmasynyń basshysy Aqerke Abylaıhan.