Shymkenttiń mamandandyrylǵan ákimshilik sotynyń sýdıasy stýdenttermen kezdesti

ShYMKENT. QazAqparat – Shymkent qalasynyń mamandandyrylǵan ákimshilik sotynyń sýdıasy A.Beknazarov zań fakýltetiniń stýdentterimen kezdesti. Mardan Saparbaev atyndaǵy Túrkistan oblysynyń Shymkent fılıaly gýmanıtarlyq ınstıtýtynda ótken kezdesýde elimizde jańadan eńgizilip jatqan jańa tehnologııalardyń sot júıesin jeńildetýge, qol jetimdiligine yqpal etip otyrǵany jáne sot tóreliginiń ashyqtyǵyn arttyratyny sóz boldy, dep habarlaıdy QazAqparat tilshisi.

Kezdesý barysynda sýdıa A.Beknazarov búgingi tańda Sot júıesinde ınnovatsııalyq tehnologııalardy qoldaný aıasynda birqatar is-sharalar engizilip, sot zaldary qazirgi zamanǵa saı sapaly aýdıo-beıne jazba júrgizilýge arnalǵan tehnıkalarmen jabdyqtalǵanyn atap ótti. Osyndaı júıeli jumystardyń arqasynda barlyq is-qaǵazdar men qujat aınalymdary elektrondyq onlaın formatqa aýysqanyna toqtaldy. Sonymen qatar, sýdıa stýdentterge qazirgi tańda jol patrýldik polıtsııa qyzmetkerleri jol júrisi qaǵıdalaryn buzý faktileri boıynsha ákimshilik hattamalardy elektrondyq formatta planshetpen toltyryp, isti sotqa «Sot kabıneti» servısi arqyly joldaıtynyn jetkizdi. Bul is «True Conf» beıne baılanysy arqyly qaralyp, sot sheshimin sýdıanyń elektrondy qol tańbasymen alý tártibi boıynsha beriletinin túsindirip ótti. Kezdesý sońynda stýdentter sottyń kúndelikti tynys-tirshiligimen tanysyp, ózderin qyzyqtyratyn suraqtaryna tushymdy jaýaptar aldy.