Shymkenttiń mádenı oshaqtary jylýǵa zárý
ShYMKENT. QazAqparat - Shymkenttiń birqatar mádenı oshaqtary jylýsyz otyr-dep habarlaıdy QazAqparat HAA tilshisi. Teatrlarda qoıylymdar toqtatylyp, kórermender kelýden qalǵan. Ǵımarattardyń salqyndyǵynan óner adamdarynyń da densaýlyqtary syr berip qalǵandyqtan, kıinip júrýge májbúr.
«Ońtústik-Tsırk» mekemesiniń jáne oblystyq orys drama teatrynyń ǵımarattary qurylys jumystary men kúrdeli jóndeý jumystary júrgizilgen kezdegi jiberilgen olqylyqtarǵa baılanysty salqyndaý. Biraq ta qoıylymdar men kórsetilimder aldynda qosymsha jylytý quraldary arqyly kórermender otyratyn zaldar jylytylady», - deıdi oblystyq mádenıet basqarmasynyń basshysy Nurbolat Ahmetjan.
Oblys ortalyǵyndaǵy orys drama teatrynyń ujymy kórermenderge jańa spektakldi endi qys aýasynda emes, kóktemde usynbaqshy. Al «Ońtústik tsırkte» kórermen qoıylymdardy syrt kıimmen otyryp, tamashalaıdy. N. Ahmetjannyń aıtýynsha, qazir kemshilikterge jol bergen merdigerlerdiń isi sotta qaralatyn bolady.
«Oblystyq ákimdik tarapynan merdigerlerge ózderi jibergen kemshilikteriniń ornyn toltyrý boıynsha tıisti talap-hattar joldandy. Jaǵdaı sheshilmese sot organdaryna shaǵym túsiriledi», - delingen oblystyq mádenıet basqarmasynyń habarlamasynda.
Aınur Aqbaeva
