Shymkenttiń kóshelerin 123 arnaıy tehnıka qardan tazartýda

ShYMKENT. QazAqparat – Shymkentte jaýǵan qardy 4 kommýnaldyq kompanııanyń tehnıkalary tazartýda. 123 arnaıy kólik 25 baǵyt boıynsha toqtaýsyz qar kúrep jatyr, dep habarlaıdy QazAqparat tilshisi.

Kommýnaldy mekemelerdiń 500-den astam qyzmetkeri qalanyń ár buryshynda jumys istep jatyr. Osylaısha qaladaǵy 225 kósheniń qary tazalanyp, 204 tekshe metr qar shyǵaryldy.

Budan bólek, kóktaıǵaqqa qarsy 1118 tekshe metr ınertti materıal sebildi. Kommýnaldy kásiporyn jumysshylarynda qajet qural-jabdyqtar bar, kólik jylytqyshtar múltiksiz jumys istep tur. Máselen, ál-Farabı aýdany aýmaǵynda turǵyndardyń qaýipsizdigin saqtaý maqsatynda ishki oram kósheleriniń jáne kópqabatty turǵyn úı aýlalaryn qardan tazartý jumystary júrgizilýde.

Sondaı-aq, qardan synǵan aǵashtardy kesip, retke keltirý sharalary qolǵa alynǵan. Sanıtarlyq tazalyq jumystary, jaıaý júrginshi joldary men baspaldaqtardy jáne kireberis alańdarynyń aldy tazartylyp jatyr.

Aıta keteıik, úshinshi megapolıste kommýnaldyq kásiporyn jumysshylaryna barlyq jaǵdaı jasalǵan. Qajetti qural-jabdyqtarmen qamtylyp, qar tazalaǵysh kólikter qysqa daıyn.