Shymkenttiń kópqabatty úılerine qandala qaptap ketken
ShYMKENT. QazAqparat - Shymkenttiń kópqabatty úılerinde qandala qaptap ketken. Qystan beri paıda bolǵan jándikter ásirese balalardy shaǵyp, uıyqtatpaýda, dep habarlaıdy QazAqparat HAA tilshisi.
Mundaı jaǵdaı shahardyń Stýdentter qalashyǵy men Aıbergenov kóshesindegi kópqabatty úılerde bolǵan. Turǵyndar alǵashynda deneleri qyzaryp, isinip, qyshynǵanda allergııa dep oılaǵan. Keıin jándikter úıdiń kez-kelgen buryshynan, tipti jastyq, kórpeniń tigisininen shyǵyp jatqanyn baıqaǵan. Olardy qansha óltirgenimen, azaımaı, kerisinshe kóbeıip ketken. Turǵyndar olardyń qandala ekenin bilgen soń, arnaıy mamandardy shaqyrtqan.
«Qystan beri mezi boldyq. Úı ishimizben túni boıy óltirip shyǵamyz. Mamandar keldi de, dárilep tastady. Arasynda sirke sýy qosylǵan sýmen úıdi qaıta-qaıta jýdyq ta. Múmkin, sodan keter dep úmittendik. Alaıda, odan nátıje shyqpady. Qazir páterdegi túsqaǵazdardy aýystyryp jatyrmyz»,-deıdi Aınash Aqberdıeva.
Bárinen de kishkentaı balalary jáne múgedek jandary bar turǵyndarǵa qıyn bolyp tur. Úıden shyǵa almaǵan jandardy jándik shaǵa berip, allergııa bolypty. Ol azdaı jylýdy jaqsy kóretin jándik kún ysyǵan saıyn kóbeıe túsken.
Al, mamandar bolsa úıdiń turǵyndary jándiktermen jappaı kúresip, úıdi tolyq dárileý qajet dep otyr.
«Turǵyndar kásibı mamandarǵa habarlasqany jón. Sosyn mamandardyń zalalsyzdandyrý kezinde aıtqan sharalaryn oryndamasa nátıjesi bolmaıdy. Sebebi, bul jándikter kel kelgen dárilerge óle bermeıdi»,-deıdi oblystyq dezınfektsııalyq ortalyqtyń bólim basshysy Elena Shestopanova.
Sanıtar mamandar qandaladan qaýip joq, ol aýrý taratpaıtyn jándik dep otyr. Alaıda olar 3-4 kúnde 300-ge jýyq jumyrtqa tastaıdy eken. Eger páterge kirip alsa boldy, birden kóbeıip ketetinin aıtady.
