Shymkenttiń kommýnaldyq qyzmeti kúsheıtilgen jumys tártibine kóshirildi
ShYMKENT. QazAqparat - Búgin Shymkentte qatty jel soǵyp, sońy qarǵa ulasty. Qalanyń kommýnaldyq qyzmeti kúsheıtilgen jumys tártibine kóshirildi, dep habarlaıdy QazAqparat tilshisi.
Sınoptıkter boljaǵandaı, túnimen sekýndtyna 15-20 tekshe metrge deıin qatty jel soǵyp, tańerteńnen bastap qar jaýdy.
«Qańtar aıynda aýa raıy shamamen mınýs 1-10 gradýs shamasynda bolady. Bul ońtústik úshin ortasha temperatýra bolyp sanalady. Degenmen jyldyń alǵashqy aıynda qatty sýyq boljanyp otyrǵan joq»,- deıdi «Qazgıdromet» OQOF ıenjener-sınoptıgi Saltanat Qonys.
Qazirgi ýaqytta qalada -2 gradýs shamasynda sýyq bolyp tur. Qalanyń kommýnaldyq sharýashylyq qyzmeti kóshelerdi qardan tazartyp, qum men tuz seýip jatyr. Jolda qaýipsizdik sharalary kúsheıtildi.
Mamandardyń aıtýyna qaraǵanda, sýyq aýa raıy birneshe kún saqtalady.
