Shymkenttiń kómek ortalyǵy tonalýda, jer silkindi - ákim feık aqparattarǵa senbeýge shaqyrdy
Ǵabıdolla Ábdirahymovtyń aıtýynsha, qazir áleýmettik jelilerde «Arysta úlken jarylys bolady, ol Shymkentke de jetedi» degen aqparattar kóptep taralýda. Ákim bul habarlamalardyń shyndyqqa janaspaıtyndyǵyn atap ótti.
«Jaǵdaı ońaı emes. Mamandar kúndiz túni jumys istep jatyr. Osyndaı kezde áleýmettik jelilerge provakatsııalyq habarlamalar taratý ol adamdarǵa da, Arystan kelgen zardap shegýshilerge de jasaǵan qııanat dep aıtar edim. Árkim óziniń jumysymen aınalyssyn. Al, búgin Shymkenttegi gýmanıtarlyq kómek ortalyǵyn tonap jatyr degen vıdeo salyndy. Keshe «Shymkentte 10 baldyq jer silkinisi bolady» dep habar tarady. Onyń bári shyndyqqa janaspaıdy. Sondyqtan halyqty tek resmı aqparatqa senýdi shaqyrǵan bolar edim»,-dedi qala ákimi búgin ótken brıfıngte.
