Shymkenttiń Qarataý aýdanynda HQKO túnge deıin isteıtin boldy

ShYMKENT. QazAqparat - Shymkenttegi halyqqa qyzmet kórsetý ortalyqtarynyń biri tún jarymǵa deıin qyzmet kórsetetin boldy.

Bul shara  «Azamattarǵa arnalǵan úkimet» memlekettik korporatsııasynyń pılottyq jobasy aıasynda júzege asyrylyp otyr,  dep habarlaıdy «QazAqparat» HAA tilshisi.

Ázirge qalanyń Qarataý aýdany, Nursát shaǵynaýdanynda ornalasqan ortalyqtyń jumys ýaqyty  túngi 24.00-ge deıin  uzartyldy. Ortalyq mamandary túngi on ekige deıin qyzmetter tek aptanyń  jumys kúnderi kórsetiletinin eskertedi.

Aıta keteıik, tún jarymǵa deıin qyzmet kórsetý búginde Almaty, Astana qalalarynda keńinen qoldanysqa engen.