Shymkenttiń erikti jastary úısiz júrgenderge ystyq tamaq taratty
Eriktiler toby aıazdy kúni kóshe kezip, tońyp júrgenderge osyndaı qaıyrmdylyq kórsetti. Óz úılerinen túrli taǵamdar daıyndap, baýyrsaqtar men bálishterin ala kelipti. Jastar ata-analarynyń kúndelikti júrip-turýyna bergen aqshasyn únemdep, osyndaı paıdaly iske jaratqan. Olardyń bul bastamasyn oqý oryndarynyń basshylary da qoldapty. «Ystyq tamaq» sharasy aıasynda qańǵybas jandar bir mezgil as iship, qýanyp qaldy. Jastar qaıyrymdylyq isti qaladaǵy úsh meshitten bastady. Olar kezbelerden bólek aýla sypyrýshylarǵa da, kóshelerde saýda jasap turǵan jandarǵa da ystyq tamaq úlestirdi. «Elbasy seriktesteri» eriktiler uıymynyń tóraǵasy Bıǵalı Ábdiqulovtyń aıtýynsha, mundaı saýap ister jasaý jastardy meıirimdilikke, ár nársege janashyrlyq tanytýǵa tárbıeleıdi.
Aıta keteıik, atalǵan eriktiler uıymy 5 jyl buryn qurylǵan. Sodan beri, qaıyrymdylyq sharalardyń basy-qasynda júredi. Quramynda 500-den asa stýdent bar uıymnyń ókildikteri elimizdiń ózge qalalarynda da qaıyrymdylyq jasaýmen aınalysady.
