Shymkenttiń eń jas aqyny respýblıkalyq dodada top jardy

ShYMKENT. QazAqparat - Astana qalasynyń jəne Qazaq ulttyq óner ýnıversıtetiniń 20 jyldyǵyna oraı «Uly dalanyń ulanymyn» atty Respýblıkalyq aqyndary aıtysy aıtysy ótti, dep habarlaıdy QazAqparat tilshisi.

QR Mədenıet jəne sport mınıstrliginiń uıymdastyrýymen ótken jastar jyr dodasyna elimizdiń túkpir-túkpirinen 14 aqyn qatysty.

Dúbirli dodaǵa qatysqan jas aqyndar Elbasymyz Nursultan Nazarbaevtyń «Bolashaqqa baǵdar:rýhanı jańǵyrý» baǵdarlamalyq maqalasy aıasyndaǵy rýhanı qundylyqtardy dəriptep, olardy jyrǵa qosty.

Elimizdiń ajaryna aınalǵan Astana qalasy men ónerli jastardy  qanat qaqtyrǵan ordaly oqý ornynyń 20 jylda jetken jetistikteri men jasampaz keleshegin jyrǵa qosty. Aıtystyń birinshi aınalymynda ońtústiktiń jas aqyny Nurǵalı Ənapııa Qazaq ulttyq óner ýnıversıtetiniń stýdenti Bek Shmatpen aıtysyp, basym tústi.

Al, ekinshi synda Aqtóbe oblysynyń dúldúli Əlıhan Jaqsylyqpen tartysyp, oza shyqty.  Sóıtip  bas júldeni jeńip aldy.

Aıta keteıik, Nurǵalı Ənapııa   ótken jyly Shymkent qalasynyń «Eń jas aqyny» nomınatsııasynyń ıegeri atanǵan.  Ol alty jasynan bastap aıtysqa qatysyp, oblystyq, respýblıkalyq, halyqaralyq dodalarda top jaryp júr.