Shymkenttiń dámhanalary men túngi klýbtaryna eskertýler jasaldy

ShYMKENT. QazAqparat - Shymkenttiń dámhanalary men túngi klýbtaryna eskertýler jasaldy. Qalalyq ákimdik pen jergilikti polıtsııa qyzmetkerleri kommertsııalyq nysandarǵa arnaıy baryp, túngi 23:00-den keıin qoǵamdyq tynyshtyqty meılinshe saqtaý qajettigin talap etti, dep habarlaıdy QazAqparat HAA tilshisi.

Oblystyq prokýratýranyń «Shymkent - qaýipsiz qala» jobasy aıasynda qolǵa alynǵan sharada arnaıy top qurylyp, túsindirý jumystaryn júrgizýde. Sebebi, kóshe boıyn jaılaǵan dámhanalar men túngi klýbtardaǵy tynyshtyqty saqtaý máselesi ózekti bolyp tur. Turǵyndardan túsken shaǵymdar kóbeıip ketken soń qadaǵalaý organ ókilderi osyndaı áreketterge kóshýge májbúr.

Máselen, top músheleri at basyn burǵan túngi klýbtyń birine qatysty ótken jyly 7 ret shaǵym túsken. Qazir qala ákimdigi men polıtsııa basqarmasy osy syndy nysan basshylaryn tártipke shaqyrýda. Eskertýlerge qulaq aspaǵan jaǵdaıda olarǵa qatysty ákimshilik sharalar qoldanylatyn bolady. Jergilikti turǵyndardyń tynyshtyǵyn saqtaý maqsatynda qolǵa alynǵan jumystar aldaǵy ýaqytta da jalǵasyn tappaq.