Shymkenttiń burynǵy ákimi D. Satybaldy Ońtústik Qazaqstan oblysy ákiminiń birinshi orynbasary bolyp taǵaıyndaldy
Satybaldy Darhan Amangeldiuly 1974 jyly týǵan, bilimi joǵary, mamandyǵy - ekonomıst-menedjer, ekonomıka ǵylymdarynyń kandıdaty.
Eńbek jolyn 1991 jyly Keles aýdany Keles keńshary Kommýnızm bólimshesiniń jumysshysy bolyp bastaǵan. 1996-1999 jyldary Keles aýdany «Keles» memlekettik qazynalyq kásipornynyń aǵa ekonomısi, Aqmola qalasy «Kýrakov ı Ko» JShS-niń bas býhgalteri, 1999-2011 jyldary Qazaqstan Respýblıkasy Qarjy mınıstrligi Qarjy baqylaý komıteti Memlekettik mekemelerdegi bıýdjettik rásimderiniń oryndalýyn baqylaý basqarmasynyń Mádenıet jáne sport uıymdarynda bıýdjettik qarajattardyń paıdalanylýyn baqylaý bóliminiń jetekshi baqylaýshy-revızory, Densaýlyq saqtaý jáne áleýmettik qorǵaý uıymdarynda bıýdjettik qarajattardyń paıdalanylýyn baqylaý bóliminiń bas mamany-bas baqylaýshy-revızory, Qazaqstan Respýblıkasy Prezıdentiniń Іs Basqarmasy Qarjy-ekonomıkalyq bóliminiń ekonomıkalyq taldaý jáne baqylaý sektorynyń referenti, konsýltanty, bas sarapshysy, Bıýdjettik josparlaý jáne qarjylyq baqylaý bóliminiń memlekettik satyp alýlardy uıymdastyrý sektorynyń meńgerýshisi, Astana qalasynyń turǵyn úı departamenti «Jylý» memlekettik kommýnaldyq kásiporny dırektorynyń mindetin atqarýshy, Qazaqstan Respýblıkasy Joǵarǵy Soty janyndaǵy sot ákimshiligi jónindegi komıtetiniń sot oryndaýshysy, Qazaqstan Respýblıkasy Bilim jáne ǵylym mınıstrligi Bıýdjettik, Qarjy departamentteri dırektorynyń orynbasary, Ǵylym komıteti tóraǵasynyń orynbasary, Qazaqstan Respýblıkasy Ulttyq Qaýipsizdik komıteti departamentiniń basshysy qyzmetterin atqarǵan.
2011 jyldyń tamyz aıynan bastap Qazaqstan Respýblıkasy Premer-Mınıstriniń keńsesi Áleýmettik-ekonomıkalyq bólim meńgerýshisiniń orynbasary boldy. 2013 jyldyń 27 mamyrynan Shymkent qalasynyń ákimi qyzmetinde eńbek etti.
