Shymkenttiń birneshe móltekaýdanynda jaryq sónip qaldy

ShYMKENT. QazAqparat - Shymkenttiń №110/10 «Samal» qosalqy stansasynda elektrqondyrǵylar jáne kabelderdiń qysqa tuıyqtalýy saldarynan qalanyń birneshe móltekaýdanynda jaryq óship qaldy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, kabelderdiń qysqa tuıyqtalýy tańǵy saǵat 09:02-de konteıner tıpti nysannyń ishinde bolǵan. Oqıǵa ornyna órt sóndirý bóliminiń 27 jeke quramy 5 tehnıkamen jumyldyrylǵan.

Oqıǵa saldarynan qalanyń «Nurtas», «Nursát», «Shymsıtı», «Nıýsıtı ÁІO», «Soltústik-Batys», «Samal-3», «Asar» shaǵynaýdandary, Kókjaılaý TK, Tólemetov kóshesindegi kópqabatty úıleri jaryqsyz qaldy. Avarııalyq-qalpyna keltirý jumystary shuǵyl uıymdastyrylyp, «Nurtas», «Shymsıtı», «Nursat», Ákimshilik iskerlik ortalyǵy, «Soltústik-batys, Aqjaıyq shaǵynaýdandaryna elektrqýaty ózge qosalqy stansadan qaıta berildi. Elektrqýaty qazirgi tańda Samal-3, Asar shaǵynýdandarynda jáne Tólemetov kóshesindegi kópqabatty úılerde joq. Abonentterge elektr qýatyn qosý jumystary shuǵyl júrgizilip jatyr. Ja ryqtyń berilýine tikeleı jaýapty Energetıka jáne kommýnaldyq sharýashylyq basqarmasy, «Ońtústik jaryq tranzıt» JShS jáne «Qýat jylý ortalyǵy-3» MKK basshylyǵy ár eki saǵat saıyn aqparat berip otyrady», delingen habarlamada.

Sala mamandary atalǵan shaǵynaýdandarda jaryq berý kezeń-kezeńimen júrgizilip, eki kún ishinde jaryqpen tolyq qamtamasyz etiledi dep otyr. Al, jaryq berý stansasynda bolǵan apatty jaǵdaıdy qalpyna keltirý úshin shamamen 20 kún ýaqyt ketedi. Elektr qýatyn iske qosý jumystaryna osy kezde 45 adam jumyldyrylǵan.