Shymkenttiń birneshe kóshesinde kógildir otyn berý toqtatylady

ShYMKENT. QazAqparat - Shymkentte 30 mamyr - 1 maýsym aralyǵynda birneshe kóshede kógildir otyn berý toqtatylady, dep habarlaıdy QazAqparat tilshisi.

Bul gaz qubyrlaryn jylytý maýsymyna daıyndaý maqsatynda qolǵa alynǵan sharalarǵa baılanysty bolyp otyr.

Qalalyq ákimdiktiń baspasóz qyzmeti habarlaǵandaı, gaz  Naýryz shaǵyn aýdanyndaǵy  GTP júıesine qosylǵan abonentterde óshiriledi.

«Qalanyń kelesi kóshelerinde gaz bolmaıdy: Ahmetov, Saýran, Dáýletuly, Marǵulan, Qarabulaq, Qobda, Jal Qordaı, Tuıaqbaev, Myńjylqy, Naýryz-1, Naýryz-2, Arǵymaq, Baıan aýyl, Egemendi, Kanal, Qaısar, Ozat, Jańa-arqa, Erdik, Araı, Jańa qurylys, Bereke, Rysqulov, Baıtursynov ótkeli. «QazTransGaz Aımaq» AQ OQOF keltirilgen qolaısyzdyqtar úshin turǵyndardan keshirim suraıdy» delingen habarlamada.

Aıta keteıik, gaz taratýshy mekeme buǵan deıin de kezekti jóndeý jumystaryna baılanysty ózge kóshelerdi de ýaqytqa gazdan ajyratqan bolatyn.