Shymkenttiń bilim júıesine Nazarbaev Zııatkerlik mektepteriniń ozyq tájirıbesi engiziledi

ShYMKENT. QazAqparat -Qala ákimi Ǵabıdolla Ábdirahymov «Nazarbaev Zııatkerlik mektepteri» derbes bilim berý uıymynyń  basqarma tóraıymy Kúlásh Shámshıdınovamen kezdesip, ózara yntymaqtastyq memorandýmyna qol qoıyldy. OSynyń nátıjesinde Shymkenttiń bilim júıesine Nazarbaev Zııatkerlik mektepteriniń ozyq tájirıbesi engiziledi, dep habarlaıdy QazAqparat tilshisi.

Basqosý barysynda taraptar  Nazarbaev Zııatkerlik mektepteriniń ozyq pedagogıkalyq tájirıbelerin qaladaǵy basqa mektepterge endirý jáne qaladaǵy ınnovatsııalyq bilim berý sapasyn arttyrý jaıyn sóz etti. Memorandým aıasynda qalalyq bilim basqarmasyna qarasty mektepterdegi muǵalimderdiń kásibı damýy men bilim berý mazmunyn jańartý úshin Nazarbaev Zııatkerlik mektepteriniń tájirıbesin negizge alý jaıy talqylandy. Osy arqyly oqýshylardyń  básekege qabiletti bilim alyp, jańa tehnologııany meńgerýine jaǵdaı jasalatyn boldy. 

Aıta keteıik, buǵan deıin Nazarbaev Zııatkerlik mektepteriniń ozyq tájirıbesi qaladaǵy birqatar mektepterde egizilgen bolatyn.