Shymkenttiń bilim salasynda tsıfrlandyrý jumystary júıeli túrde engizilýde
Saladaǵy túrli komıssııalar men qaǵazbastylyqtyń aldyn alý jáne adamı faktorlardy múmkindiginshe azaıtý maqsatynda avtomattandyrylǵan júıe engizildi.
Basqarma mamandarynyń málimetinshe, balalardy balabaqshaǵa ornalastyrý úshin garden.shymkent.edu.kz aqparattyq júıesi engizilgen. Balabaqshaǵa ornalastyrý jumystaryn ońtaılandyrý men ashyqtyq, aıqyndyqty qamtamasyz etetin júıe arqyly 100 myńǵa tarta bala elektrondy joldama arqyly balabaqshaǵa barǵan.
Al, balalardy 1-synypqa qabyldaýǵa arnalǵan school.shymkent.edu.kz júıesi ata-ananyń jumysyn ońtaılandyrady. 2019-2020 oqý jylynda 24 375 oqýshy 1-synypqa elektrondy túrde qabyldanyp, ata-analarǵa bilim mekemelerin ashyq portal arqyly tańdaý múmkindik týyp otyr.
Budan ózge tehnıkalyq jáne kásiptik bilim berý salasyndaǵy memlekettik kórsetiletin qyzmetterge college.snation.kz, mektepishilik baqylaýǵa I-mektep.kz, pedagogtardy irikteýge Thunter.kz qoldanylyp keledi. Búgingi kúnge deıin pedagogterdi irikteýge arnalǵan konkýrstyq júıe boıynsha 2 myńnan asa konkýrstyq komıssııa ótkizilip, bilikti mamandar jumysqa qabyldanǵan.