Shymkenttiń bas jospary qaıta jasalyp jatyr
ShYMKENT. QazAqparat - Shymkenttiń bas jospary qaıta jasalyp jatyr. Sebebi, aldaǵy jeti jylda qala turǵyndarynyń sany 1 mln 400 myń adamǵa jetedi degen jospar bar.
Bul qaladaǵy kólik qatynasyn qıyndatyp, áleýmettik máselelerdi odan saıyn kúrdelendirip jiberýi múmkin, dep habarlaıdy QazAqparat tilshisi.
Sondyqtan qala basshylyǵy jospardyń ózgertiletinin aıtady. Jańa jobaǵa sáıkes, shaharda jańa móltekaýdandar boı kóterip, taǵy bir ındýstrıaldy aımaq salynýy bek múmkin. Al, oblys ortalyǵynyń aldaǵy keskin-kelbeti qoǵamdyq talqylaýda qaraldy. Jańa jospardy qalalyq sáýlet jáne qala qurylysy bólimi men úsh birdeı jobalaýshy kompanııa birlesip jasaýda. Ázirge negizgi jumystar aıaqtalǵan. Mamandardyń sózinshe, jańadan daıyndalǵan bas jospar qalanyń qazirgi aýmaǵyn tutastaı qamtıdy. Onda ınjenerlik júıelerdi júrgizý, qala qaqpasyndaǵy kúre joldardy keńeıtý jaǵy qarastyrylǵan. Jańa joba maquldansa, qalada taǵy bir ındýstrıaldy aımaq ashylady. «Shymkent qalasynyń ındýstrıaldy aımaǵy» dep atalatyn ortalyqtyń aýmaǵy myń gektar bolýy múmkin. Onda negizinen aýyl sharýashylyǵy ónimderin qaıta óńdeıtin kásiporyndar men iri óndiris oshaqtary shoǵyrlanady. 100 myńnan astam adam jumyspen qamtylady. Ázirge 54 josparlaý jobasy ázirlense, qala ákiminiń qaýlysymen kúni búginge deıin sonyń 47-si bekitilgen.
